Timpeste d’Oriente
È straziata a ghjente
È puru simu quì...

Genuvesi i cummerci
È mattane di tempi guerci
È puru simu quì...

Crucetta assuffugata
È brama crucifissata
È puru simu quì...

Francisata feroce
È populi senza voce
È puru simu quì...

Quatordeci ùn li dicia
Tant’anni di caristia
È puru simu quì...

Partanze è spalluzzere
È sole ch’ùn dà più spere
È puru simu quì...

Cità di u San Rimore
Ruchjate senza pastore
E’ puru simu quì...

À e lenze di l’abbandonu
A machja chere pardonu
È puru simu quì !

L’Orient, ses tempêtes
Et ses hommes martyrisés
Et pourtant...

Le mercantilisme de Gênes
Epidémies des temps obscurs
Et pourtant...

Crucifié l’espoir suscité
Par la révolte d’ « a Crucetta »
Et pourtant...

‘’Pacification’’ féroce
Qui laissa les peuples sans voix
Et pourtant...

Quatorze n’avouait pas
Tant d’années de profonde misère
Et pourtant...

Eclatement, exil
Sous des cieux à jamais couverts
Et pourtant...

Des cités vouées au bruit
Lorsque doucement les campagnes expirent
Et pourtant...

Le maquis gagne et demande pardon
Aux terres que nous avons abandonnées
Et pourtant nous sommes !

Una tarra ci hè per voi
Di lacrime d’invernu
D’ore chì vanu in darnu
È di luce chì piglia fine
Toccu sittembre, dolce cunfine.

Una tarra ci hè per voi
Di sarre impaurite
Di calli annant’à e dite
Omi in tana è frastoni
Quandu s’incroscanu i toni.

Una tarra ci hè per voi
Fragata da l’arsure
Brusgiata da e cutrure
Spusalizia d’Eternu
Trà notte è fede, è infernu.

Una tarra ci hè per voi
Di mare, monde è disertu
Di sfide è danni à ch’ùn hà apertu
E calle di l’amicizia
Una tarra ci hè... Divizia !


Il y a pour vous une terre
Faite d’hivers qui pleurent
Une terre où les heures passent sans compter
Même lorsque septembre revient
Trahir chaque lumière

Pour vous, il y a une terre
Peuplée de montagnes inquiètes,
De mains meurtries et d’orages
Furieux de n’avoir pas surpris
Les hommes

Il y a pour vous une terre
Mordue par les journées brûlantes
Et le froid de ses nuits sans fin
Une nuit où s’épousent éternellement
Et la nuit et la foi et l’enfer.

Pour vous il y a une terre
Mer, invasions, désert
Une terre qui ne se donne
Que lorsque cèdent les digues de l’indifférence
Il y a une terre... c’est tout !   

S’è vò ghjunghjite in Niolu
Ci viderete un cunventu
Di u tempu u tagliolu
Ùn ci n’hà sguassatu pientu
Eranu una sessantina
Chjosi in pettu à u spaventu

Dopu stati straziati
Da u boia o chì macellu
Parechji funu impiccati
Ci n’era unu zitellu
L’anu tuttu sfracillatu
È di rota è di cultellu

Oghje chì hè oghje in Corscia
Fateci casu una cria
Si pate sempre l’angoscia
Intesu di Marcu Maria
Era quessu lu so nome
Mancu quindeci anni avia

Se vò ghjunghjite in Niolu
Ci viderete un cunventu
A brama d’ogni figliolu
A ci dice ancu u ventu
Libertà libertà sempre
Dopu à tamantu spaventu


Si vous passez par le Niolu
Vous y verrez un couvent
Les pleurs qui encore l’entourent
N’ont pu être effacés par le temps
Ils étaient près de soixante
Pris au cœur de l’épouvante.

Après avoir été torturés
Par les bourreaux, quel massacre !
Plusieurs furent pendus
Il en était un tout jeune
Son corps fut mis en lambeaux
Par la roue, par le couteau

Aujourd’hui encore à Corscia
Si vous y prêtez attention
Vous y percevrez l’angoisse
Endurée par Marcu Maria
Cet enfant portait ce nom
Il n’avait même pas quinze ans.

Si vous passez par le Niolu
Vous y verrez un couvent
Le désir de chacun de ses fils
Hurle à l’unisson du vent
Liberté, liberté pour toujours
Après cette atroce épouvante.

Da ghjorni in quà piuvia annant’à i chjassi
È si sintianu i so passi
Accarizzà e tarre crosce

Ripigliu :
Ad’ arricoglie u suspiru
Sò ghjunti, eranu trè :
Un frate vechju un’ ombra è un rè

L’anu visti i paisani francà i ghjargali è e mure
A l’albighjà, à l’ore mature
À Salmi scuri mutulati

Ripigliu :
Ad’ arricoglie u suspiru
Sò ghjunti, eranu trè :
Un frate vechju un’ ombra è un rè

 E bande di cignali abbadavanu arrese
 U rispiru di quelle stese
 Persu ind’è e valle piatte
    
Ripigliu :
 Ad’ arricoglie u suspiru
 Sò ghjunti, eranu trè :
 Un frate vechju un’ ombra è un rè

Daret’à a vulelle chjose, tanti panni sò à asciuvà
Qual’hè chì i pigliarà
Fintantu ch’elli ùn sò passati

Ripigliu :
Ad’ arricoglie u suspiru
Sò ghjunti, eranu trè :
Un frate vechju un’ ombra è un rè

Depuis quelques jours il pleuvait sur les campagnes
Et l’on entendait leurs pas
Caressant les terres humides

Pour un soupir à recueillir
Ils sont venus,
Ils étaient trois
Un vieux moine, une ombre et un roi

Les paysans les ont aperçus à l’aube et au crépuscule
Qui franchissaient ruisseaux et murets
En psalmodiant des versets étranges

Pour un soupir à recueillir
Ils sont venus,
Ils étaient trois
Un vieux moine, une ombre et un roi

Les sangliers en bandes semblaient exténués
D’avoir trop guetté la respiration de ces étendues
Qui allait se perdre dans les vallées profondes
     
Pour un soupir à recueillir
Ils sont venus,
Ils étaient trois
Un vieux moine, une ombre et un roi

Des vêtements sèchent dans la cour,
Sous les fenêtres closes
Il faudra bien les ramasser...

Pour un soupir à recueillir
Ils sont venus,
Ils étaient trois
Un vieux moine, une ombre et un roi  

Disuccupatu sò pè la campagna
È mi ne vò pè i so chjassi solu
Fighjendune issi lochi di cuccagna
È aspettendu a notte in paisolu

Ripigliu :
I mio penseri sò à l’amarezza
À l’avvacinu à la malincunia
È mi stantu à cunservà la saviezza
Chì più d’una volta si n’anderia.

Disuccupatu sò pè la citane
È mi ne vò pè i carrughji solu
Fighjendu e vitrine à robe vane
È aspittendu di l’ore lu scolu

Ripigliu :
I mio penseri sò à l’amarezza
À l’avvacinu à la malincunia
È mi stantu à cunservà la saviezza
Chì più d’una volta si n’anderia.

Disuccupatu sò pè a stagione
È mi ne vò da casa solu solu
Or chì vulite ch’aghja una passione
Da turnami un antru omu è piglià volu ?

Ripigliu :
I mio penseri sò à l’amarezza
À l’avvacinu à la malincunia
È mi stantu à cunservà la saviezza
Chì più d’una volta si n’anderia.

Disuccupatu sò ma chì vulite ?
Travaglierebbe anch’eiu s’io pudia
À mè ùn mi circate tante lite
Ch’ùn m’arricordu più di l’alegria

Ripigliu :
I mio penseri sò à l’amarezza
À l’avvacinu à la malincunia
È mi stantu à cunservà la saviezza
Chì più d’una volta si n’anderia.


Je suis le chômeur de la campagne
Et je m’en vais sur les chantiers
Et regardant mes lieux aimés
J’attends la nuit qui va tomber

Mes pensées sont à l’amertume
Au vertige, à la mélancolie
Je m’escrime à raison garder
Car elle fuirait bien trop souvent.

Je suis chômeur dans la cité
Et m’en vais seul dans les rues
Et regardant les vitrines bondées
J’attends que s’écoulent les heures

Mes pensées sont à l’amertume
Au vertige, à la mélancolie
Je m’escrime à raison garder
Car elle fuirait bien trop souvent.

Je suis chômeur dans la saison
Et m’en vais seul de la maison
Que voulez-vous que j’aie envie
D’être quelqu’un d’autre et reprendre vie ?

Mes pensées sont à l’amertume
Au vertige, à la mélancolie
Je m’escrime à raison garder
Car elle fuirait bien trop souvent.

Je suis chômeur, que voulez vous ?
Je travaillerais bien volontiers
Ne me cherchez donc pas querelle
L’ancienne joie est oubliée...

Mes pensées sont à l’amertume
Au vertige, à la mélancolie
Je m’escrime à raison garder
Car elle fuirait bien trop souvent.

Sò l’omu
Quellu di i ghjorni senza ragioni
Di e notte senza lucenda
Di a calmana tremenda
È di u fretu senza fuconi

Sò l’omu
Invichjatu in un cantu
Di tè innamuratu forse
Chì faci lu mio percorsu
Veculu è Campusantu

Sò l’omu
Fruttu di un paese
D’una radica nudosa
È a mio stella hè ascosa
Sott’à lu to bilese

Sò l’omu
D’una storia mai scritta
D’un oceanu verde
Di ciò chì più n’ùn si perde
D’una brama ch’ùn s’azzitta

 
Je suis l’homme
 Des jours privés de sens
 Des nuits privées de lueurs
 Des canicules atroces
 Des froids sans flammes

 Je suis l’homme
 Pétri de cette terre
 Et d’elle fiévreusement épris
 Elle qui a tracé mon chemin
 Depuis le berceau jusqu’à la noire tombe

 Je suis l’homme
 Fils de l’argile et des pierres
 Et de cette racine noueuse
 Et mon étoile aura son refuge
 Sous le voile qui les recouvre

 Je suis l’homme
 De cette histoire millénaire
 De cette mer de verdure
 De ce qui ne peut se perdre
 D’un désir qui ne peut se taire
 Je suis cet homme

Un vascellu tontu
È un marosulu mossu
Cum’è tela slibrata
À un sguardu chì conta
U stampu di una smossa,
 
Ed eiu à mezu à quessi
Urfagnu di memoria
Calpighjatu in l’andà
Di li ghjorni prumessi
Mare di l’anticoriu,

Un cunvugliu umanu
Persu in lu so rambusciu
Mez’à e cose finite
Mez’à e bughje vite
Passu di ultimu usciu,

È u tempu s’hè ammansatu
Adossu à i mio passi
Cum’è a neve in foce
Quandu mancu una voce
Più n’ùn vole sgabbiassi,

Un vascellu tontu
Marosulu di miseria
Imagina di un’alba
Mentre a mio carne calda
N’ùn ghjetta chè materia.


Un navire qui se cabre
Sur une vague fougueuse
Comme toile qui se déploie
Devant un regard qui porte
L’empreinte d’une révolte

Et moi perdu entre eux deux
Moi dont la mémoire chancelle
Meurtri dans le mouvement
Des jours qui me reviendront
Tels une mer de nausée

Un tumulte d’homme
Et une étrange plainte
Parmi ces choses finies
Parmi ces vies brisées
Ce pas au dernier des seuils

Et ce temps amoncelé
Sur la trace de mes pas
Comme neige sur les sommets
Quand les paroles s’épuisent
Se renferment en nous
    
Un navire qui se cabre
Ressac de la misère
Reflet d’une aube qui passe
Tandis que ce corps brûlant
Ne vit que par ses plaies.

Ch’ellu si n’hè scorsu maghju
Sarà più d’una simana ;
Approntati, o capraghju !
À lascià piaghja è calmana
Ch’ai da fà l’altu viaghju
Dopu ghjuntu in Barghjiana

Avvedeci, o Falasorma !
Cù i parenti è l’amichi
Sempre liati à Niolu
Per e gioie è i castichi :
Da Montestremu à u mare
Avemu listessi antichi.

Sbuccarè in Caprunale
Guardendu da altu à bassu
Supranendune à O’mita
È a funtana di u Tassu
Basgiati a croce nova
Chì a vechja ùn s’hè più
Trova.

Eccu a Mirindatoghja,
Ti riposa di a cullata
Ma fà casu à a capra
Ch’ella ùn si sia sbandata
Se tù voli esse in Pùscaghja
Tranquillu pè a nuttata.

Dumane, à tempu ghjornu,
(A cunosci quessa, a scola)
Crisciaranu e fatiche
Nanzu d’esse in Bagnarola.
Di scopre a valle de Tuda
Tutt’ogn’unu si cunsola.

Dopu sò i radi à Noce ;
Bassighjendu à e Pratelle
T’avviarè più sicuru
Verdi l’acqua di e Castelle
Nanzu d’esse à u Murricciolu
Sarà croscia a to pelle

Eccuti nu a Spilonca,
Custi a banda si punta
Indu a mandria è aspetta
Chì hà bisognu d’esse munta.
A datti un colpu di manu
A to ghjente sarà ghjunta.

U terzu ghjornu à la mane
Ti n’andarè vulinteri
In Sesta o Petra Pinzuta,
Biccarellu o à Tileri ;
Più che mai ghjunghjaranu
À l’abbordu i fristeri

Avà chì ai righjuntu
Di l’istate u rughjone
Di tantu in tantu in paese
Affaccati à l’occasione
Poi ùn mancà a to festa
A mane di Sant’Antone.

U Cintu hè lu to core
È ne conti e so strade
Sò petre accumpulate
Poste pè ch’omu capisca
Quant’elle sò belle l’ore

Niolu hè la to mente
Fiurita à paisoli
Quanti vechji sì sò soli
À l’entre di a so notte
Ma, tù ci sì cù la to ghjente

U tempu s’hè firmatu
In e sepe à rifiatassi
È sò corie, è sò bassi
À infierì li to detti
d’omu acula beatu

Vidarei u nostru ghjornu
Ùn  pò esse ciò ch’omu  crede
Una casa senza fede
Turneranu e friture
È sarà caldu ogni fornu

À quelli chì una sera
Ind’è tè fecenu cena
Li ai datu una penna
Pè ammintà la a to storia
L’amore d’issa terra


Lorsque tu évoques le Cintu,
Les routes qui y mènent
Et ses pierres qui adoucissent le temps
On dirait que tu parles
Des chemins de ton coeur

Le Niolu est ton âme
Où fleurissent
De petits villages
À l’existence usée,
Là est ta demeure

Le temps semble s’être figé
Dans les haies
Il reprend son souffle
Dans tes paroles d’aigle
Où dansent genêts sauvages et arbustes

Un jour tu verras,
Ces terres
Où semble s’être installée
La désolation
Retrouveront la chaleur de leur foi

Sache que ceux que le hasard
D’un soir a mené chez toi
Vont écrire ton histoire :
L’amour que tu portes
À ce pays

O sianu  li me ochji a manu di Diu maiò
Vinuta à a fronte toia da ambata di vita,
Lu me dilettu  dolce, la me carne ferita.
Sia di ricordu sempre u locu duve mi stò,
Dund’hè corsu u to sangue in la sera tradita
À pede di a to croce l’umanità in cruccò.

Lu to arsente sguardu chì di u sole fù branu,
Eiu l’aspittaraghju per u so vultà gluriosu,
Incù ‘ssu passu lebbiu issu visu mai rosu
Aspittaraghju à tè lu to dettu tercanu
Suldatu di l’alte paci, figliolu cimintosu
L’anghjuli appressu à tè in longu stolu vanu

Cusi negri i niuli cullandi à l’Oriente,
È scuru u punente chì impanna stu mondu
Ne sì nanta à una croce  è tuttu ti stà di tondu
Più n’un  hè lu to sguardu bramosu è spampillente
In la so strana mossa leva una baraonda,
Mentre stai cusì chetu  vincitore dulente

Cume u celu s’hè greve è cume a notte hè fosca
Mantu negru chì balla indè l’anima meia
Ti gardu caru Ghjesù è a to sorte attosca
Tutta l’aria chì ingira issa vechja terra ebreia
È si ne và luntanu a chjama in a to bocca
Chì hè ventu d‘amore in la tenebra reia

Di sopra à a to fronte corsa hè una culomba
È una nebbia grisgia calata hè addossu à mè.
T’hà fattu lu Rumanu di sta croce una tomba
Tù chì lampavi in terra u pesu di l’ohimè
Di a to carne viva ùn ferma più che ombra
Un cota chì lagna cerca sempre u perchè

O caru lu me figliolu Diu di pelle umana
Omu chì si ne more in l’attese cuncolte
Vinutu à sole altu per riscattà a notte
Più n’ùn batte stu core di cotru hè la to manu
Un pocu di u to sangue nantu un farru rumanu
Hè diggià una fiumara chì trabocca a morte

Oramai mi ramentu sta notte in Betleemme
Mi ramentu u to visu a to parolla nesca
Le stantare di toiu chì funu tante gemme
Poi ste tenebre oghje in fronte à Gerusalemme
O tù chì sarè dumane quell’acqua chì rinfresca
Un core in lu nivone chì brusgia quant’e l’esca.


Mon regard soit la main de Dieu qui caresse
ton front en un souffle de vie.
Mon amour, mon doux enfant, ma chair meurtrie
je voudrais que cet endroit peuple les mémoires à jamais.
Au pied de la croix, où ton sang a été versé,
l’humanité s’est agenouillée dans le crépuscule que l’on a trahi.
……

Dieu que le ciel est lourd et la nuit obscure
comme un voile noir dans mon âme
je te regarde mon Jésus et me dit que ton destin  
enflamme l’air de cette vieille terre juive.
Tes appels résonnent comme
un vent d’amour dans les ténèbres coupables
…….

O mon fils adoré, mon Dieu
Toi qui expire dans nos bras
Tu es venu au grand jour pour racheter la nuit
Ton cœur à présent s’est tû et tes doigts sont glacés
Ton sang sur cette lance romaine
Est comme un fleuve en crue, qui déjà, a dépassé la mort.

Sappia oghje quale sò
È ciò`ch’o saraghju grande
Saraghju cum’è babbò
Rè di le muntagne bianche.

Un campagnolu curtese
Cù la mio mamma Natura
Un pasturellu di paese
Passi d’elpa è di pianura.

Vogliu avè mille animali
Pecure, capre è vaccine
Senza calle nè stazzali
Senza rete nè cunfine.

Solu avè un barracone
Grande guasi cum’è un mondu
Pè nasconde à la stagione
E mio bestie tutte in tondu.

Cum’è amiche, altagne è volpe
Cum’è manghjà, frutta è acqua
Cum’è tettu, stelle è sole
Chì in l’erba l’aria si stracqua.

È dinù per l’istatina
Fammi tante mirendelle
Pè le valle è le culline
Cù millaie di zitelli.

    
È po l’ai ben’ capita
Chì vinarai incu mè
È inseme in la vita
Ne seremu regina è rè.

D’asprura s’hè fattu lu raghju
Di a tarra hè biancu lu sulaghju
L’ore si so triste è pisive
Un ombra corre trà e campive,

Cutteghja l’anima svanita
Si lenta à suspiri a vita,
Sbuleca machja è sipalaghju
Vene à chjamà u so fuculaghju,

Nascenu ughjulu è abbaghju
In e chjose negre pagne
Ruspa è rumena e campagne
Si insanguineghja lu caghju,

A notte stende lu so imperu
Sgotta à bughjoni l’ultimu seru
Fala u vadu fuma u pagliaghju
È l’ombra scompie lu so viaghju,

Cantanu in celu e più pietose
Cantanu in pienti, voce angusciose,
Di u ventu s’apre u cataraghju
À u passu di u murtulaghju


Furieux s’est fait le vent d’hiver
Le plancher de la terre soudain a blanchi
Les heures s’égrènent tristement
Par les champs une ombre est passée,

Elle poursuit les âmes en allées
Quand la vie se dévide en soupirs
Et remue chaque coin de terre
Et renoue avec les vivants,

Cris et aboiements s’entremêlent
Dans des lieux infiniment sombres
D’une blessure s’écoule un sang noir
La forêt s’est habillée de mystère,

La nuit a étendu son empire
Le dernier des vivants s’endormira
Coule une rivière fume une cheminée
Et l’ombre achève son voyage,

Le ciel s’est empli de résonances sacrées
Qui se prolongent en pleurs funèbres
Les portes du vent se sont rouvertes
Au pas revenu de l’ombre spectre...

Eo sai saraghju quì
Pè chì mimoria toia
Abbia sempre una lenza da annacquà
Un sole da ragighjà

Eo sai saraghju quì
À parà ti lu tempu
Chì  hà da zuccà e fronte
À porghje ti a e volte e mio riviglie tonte

À sente ti centu è più cose dì
Eo sai saraghju quì

Eo sai saraghju quì
Ad’apprupinquà i ghjorni
Pè chi u viaghju
Ùn si fia  in un travintaghju

Eo sai saraghju quì
Quandu strughje l’ultima neve
È chi Golu fattu si ne hè zergosu
Da l’anni sbrembatu ma silenziosu

À sente ti centu è più cose dì
Eo sai saraghju quì


Moi vois-tu, je serai près de toi
Pour que ta mémoire
Puisse garder en son sein un jardin fertile
Inondé de soleil

Moi vois-tu, je serai près de toi
Pour te protéger du temps
Qui sculpte les fronts
Et pour offrir à tes lèvres parfois, mes rides folles

Pour t’écouter dire sans cesse cent choses et plus
Moi vois-tu je serai là

Moi vois-tu, je serai près de toi
Lorsque fondent les dernières neiges
Déchaînant la colère de Golu
Anéanti par les années mais silencieux,

Je serai près de toi
Pour t’écouter encore dire cent choses et plus.