1 - A Paghjella di L'Impiccati
Ghjuvan-Teramu ROCCHI / Jean-Claude ACQUAVIVA
Les peuples ont de la mémoire. Le peuple corse comme les autres. En 1774, la tragédie se noue dans le Niolu. Les troupes du Roi de France arrêtent et torturent des patriotes dont un adolescent de 15 ans. Ce moment douloureux de notre histoire ne laisse ici personne indifférent bien que deux siècles se soient écoulés.
S’è vo ghjunghjite in Niolu
Ci viderete un cunventu
Di u Tempu u tagliolu
Ùn ci n’hà sguassatu pientu
Eranu una sessantina
Chjosi in pettu à u spaventu
Dopu stati straziati
Da u boia o chì macellu
Parechji funu impiccati
Ci n’era unu zitellu
L’anu tuttu sfracillatu
È di rota è di cultellu
Oghje chi ghjè oghje in Corscia
Fateci casu una cria
Si pate sempre l’angoscia
Intesu dì Marcumaria
Era quessu u so nome
Mancu quindeci anni avia
S’è vo ghjunghjite in Niolu
Ci viderete un cunventu
A brama d’ogni figliolu
A ci dice ancu u ventu
Libertà libertà sempre
Dopu à tamantu spaventu.
2 - Paghjella
Tradiziunale (parolle racolte in Rusiu)
Cette « paghjella » qui était chantée dans les vallées de Castagniccia sous l’occupation italienne, nous indique l’état d’esprit de résistance de notre peuple, à une époque où le fascisme triomphait… Avertite à « Musulinu »
Chi hà tanta pretensione
S’ellu ùn hè più chè scimitu
Ch’ellu fia attenzione
Ch’ell’ùn appia da ingolle
A pulenda di granone.
3 - Vai Puru
A.F. SIMEONI / Jean-Claude ACQUAVIVA
L’homme, en proie au doute et au découragement, oublie que la route menant à un peu plus de bonheur est, bien souvent, plus proche et plus simple qu’il n’y parait. S’è tù voli andà luntanu
Metti un pede nanzu à l’altru
Vaitine pianu pianu
O viaghja à passu sgualtru
Ma sappia in duvet tù vai
Sinò ci hè annoi è guai.
S’è tù voli un cunsigliu
Piglia una strada fatta
A traccia ch’un altru hà pigliu
Ti purtarà più à sbratta
È di passu più sicuru
Fà cusì è vai puru.
4 - A Megliu Stà
A.F. SIMEONI / Jean-Claude ACQUAVIVA
Profiter des choses essentielles que la vie nous apporte chaque jour, et ainsi rester pleinement soi-même. Tel est le thème de cette chanson, preuve supplémentaire de la nécessité pour l’individu et pour la communauté « d’être » pour s’épanouir et vivre. Spera sempre à megliu stà
Ma u megliu induve hè
E quant’ellu hà da stà custà
D’acquiste un pocu di bè.
Indu e mane è pè u core
Si chere sempre criscenza
Sè un po di bè accorre
Forse sarà una scenza.
Ma po esse ancu un casticu
S’è u core hè in cuntintezza
Sò eiu chì a vi dicu
Ùn circate altra ricchezza.
Prima di l’Avè, hè l’Esse
Pigliate so chì vi vene
Di sò chi u tempu tesse
Fiori, prunu, gioie è pene.
Fate à megliu pè u male
Per un bè micca timori
Hè una cosa naturale
D’arricoglie i so fiori.
Ma si un mazzulellu basta
Pè raligravvi lu core
Perchè vulè una catasta
Di fiori chì s’anu da more. 5 - O Terra
Rinatu COTI / Jean-Claude ACQUAVIVA
Cet hymne à notre terre celle des hautes montagnes couronnées de neige, porte en lui tout l’amour d’un peuple refusant une agonie programmée, et puisant dans l’histoire la force de bâtir son avenir. O terra ruda di l’alti muntagni
Sempri incristata d’una nevi bianca
Senti anc’avà crescia tanti lagni
Ma di sfidà u mondu ùn sè stanca.
O terra sbancata da li frusteri
Li to ochji sò li surgenti chjari
Chì lasciani scappà li so misteri
Senza chì mai qualunqua i pari.
O terra chì sott’à nimu ti stracqui
Stendu sempri ritta in i turmenti
Hà vistu scorra tanti è tanti acqui
È t’ani assaltatu tamanti venti.
O terra ricolma ad umanità
In senu à tè stani l’ossi sdrutti
Sò da no sumenti di libertà
È ribombani i so voci muti.
O terra di i lochi in rivolti
Ùn semu micca omini è donni morti
È mancu bramenu d’essa sipolti
Fin tantu à facci a nostra sorti. 6 - L'Orrida Bestia
Michel FRASSATI / Jean-Claude ACQUAVIVA
« L’Orrida bestia…c’est le fascisme, et son cortège de privations, d’injustices, de larmes et de sang…le fascisme qui malheureusement aujourd’hui comme hier, demeure, par delà océans et frontières, la honte de la conscience universelle. Antenati impiccati
Ghjudei assassinati
Spagnoli fucilati
Arabi turturati
Rimori di catene
È milioni di pene}bissu
Lu sonniu hè finitu
È mi sò discitatu
Sempre insunnulitu
Mi sò impurtillatu
Avia po spiratu
Ch’ellu avia cambiatu}bissu
Argentini impiccati
Cileni assassinati
Afgani fucilati
È Baschi turturati
Rimori di catene
È milioni di pene}bissu
Ùn hè micca cambiatu
Lu mondu chi c’intornia
In darnu aghju circatu
Ma ùn ci hè chè vergogna
Ch’assuffoga l’umani
Ch’imbrutta le so mani}bissu
Prigione Irlandese
A paura è i muri
Gulaghi Siberiani
I muri è a paura
Milizie Libanese
A paura è I muri
Campi Sud Africani
I muri è a paura}bissu
Ma ch’ella sfondi infine
La mio voce issi muri
Ma ch’ella compii infine
Per sempre la paura.
Chì tutti issi zitelli
Ùn torninu urfanelli
Per via di a bestia
Di quell’orrida bestia}bissu
7 - Ti Chjami
Michel FRASSATI / G. LUCIANI
C’est par la poésie, que les individus, les peuples et les nations ont toujours pu, même aux plus noirs moments de leur existence, trouver des raisons d’espérer en des lendemains meilleurs. In quelli tempi di bughjura
Tù eri stata ingabbiata
Ormai la notte era più scura
Ma eiu ùn t’aghju sminticata.
Li mesi, l’anni sò fughjiti
Sempre giravanu le sfiere
Tante anime ammutulite
Circavanu le to lumere.
Riturnellu :
Malgratu i nuli è l’invernata
Ti vecu cum’è a stillaria
Chì schjarisce le mio nuttate
Si tù, ti chjami puesia.
À mezu à lacrime è turmenti
In lu dulore fermi incesa
Tale un fanale in li spaventi
D’un mare tracarcu d’offese.
Capighjimbata la to ghjente
Sottu à lu rimbeccu è l’inghjulia
Purtata da u focu ardente
Ùn accittò mai la briglia.
Sò negri o gialli tanti essari
Culo’r di tutti i cuntinenti
Chì di pettu à lege è danari
Ùn anu nigatu a so mente.
À la to chjama tanti schjavi
Inchjaccatu anu le catene
Per ritruvà sponde è lavi
Ind’ellu si rispire l’avvene.
Si tù chì tutti li putenti
Cù le so botte è li cani
Anu sempre vugliutu spenghje
Fiamma speranza di l’umani.
Si tù chì m’hai aiutatu
À gode u soffiu di la vita
Quandu l’amore m’hà purtatu
U balsamu nantu a ferita. 8 - Mandulina
9 - U Negru Fume
Ghjacumu FUSINA / Ghj. F. LESCHI
La prise de conscience n’est lumineuse que dans les livres. En réalité, elle est un cheminement difficile, hésitant : les faits de Résistance rapportés par l’Histoire ressemblent rarement à ce qu’ils furent au quotidien. Demeurant à hauteur d’homme, en sont-ils moins admirables ?
Le poème peut naître d’un déclic évènementiel, touchant un individu. Sa publication l’enlève à son auteur, l’enrichit de toutes les connotations de lecteur, le « donne à lire » jusque dans ses apparents hermétismes. « U Negru fume » peut-être de ceux-là.
Si tù lu negru fume
È la negra speranza
Chì porti u rispiru
À l’alba cunniscenza
Si tù la negra spira
Di la negra suffrenza
Chì veni à cala ghjornu
È dai a to sentenza
Si tù la negra via
È la negra cuscenza
Chì pichja in ogni vena
À l’ora di a partenza
Si tù lu negru fele
È la negra sembienza
Chì voli cum’è l’ala
À l’orli viulenza
Si tù lu negru seru
È la mio negra amante
Chì chjama u so penseru
Un sognu di lagramante
Si tù lu negru mele
È la mio negra stonda
Chì parla chì m’ammala
O la mio terra tonda.
(Ghj.Fusina – Ghj.F.Leschi)
10 - O Dumè O Muamè
Ghjuvan-Teramu ROCCHI
La lutte contre le racisme est une permanente de notre combat. Ce poème traduit les difficultés des immigrés et dit avec force la certitude de voir un jour tous les travailleurs unis dans la lutte pour la reconnaissance de leurs droits. Un picch’eletricu in battaglia
S’azzecca à a petra
A inzecca a taglia
In un scumppittime di mitraglia
A e manechje Muameddu
Capighjimbu
Tuttu trasalti
Quelli chì ùn caccia mai i so patti
À u sti quì à u sti là
Duv’è lu ci hè lochi da scassà
I palazzi saranu pè d’altri
Quelli di i paesi ricchi
Chì inventanu è vendenu i so picchi
Sta sera
Muameddu si stracquerà
Nantu à una sumiglia di strapunta
Ghjustu in punta
-Ci vole à lacà una piazza pè u sognu
Feritu in ogni capu d’ossu
Cù a coltra di a miseria à dossu
O Muameddu o! Volta! O Muameddu o! Volta!
Diceranu e chjame in la notte ceca
In la notte cioca sin’à ghjornu
È po un ghjornu…
O Dumè o Muamè o Dumè o Muamè o Dumè
I picchi eletrichi in battaglia
Listessi à quelli di a mitraglia…
11 - O VIta, O Vita
Ghjuvan-Teramu ROCCHI - Ghjuvan-Teramu ROCCHI
Survienne une catastrophe, une mauvaise année une mort naturelle, la vie reprend toujours ses droits avec force. Ce chant, expression du renouveau de la Corse et de son peuple, est un véritable hymne à la vie. U focu mette in pulvina
Centu machje pampanute
Ma in le ceppe radicute
U suchju piglia è camina
È camina
Compie ùn annu à mala pena
Da stagioni troppu incerte
In le lenze cori aperte
A manu torna è sumena
È sumena
Ripigliu :
Pè issa forza ch’è tù movi
Quandu hè tempu di rinnovi
Pè a vita in locu nudu
O vita o vita ti cantu è lodu
Cara una voca s’accheta
Per ella hè sonata l’ora
È po fresca ch’innamora
Un’antra nasce è si pesa
È si pesa
D’un amore inseculatu
Libru pare ghjuntu à fine
À cantà e so matine
Più ch’è mai n’emu fiatu
N’emu fiatu
Ripigliu :
Pè issa forza ch’è tù movi
Quand’hè tempu di rinnovi
Pè a vita in locu mutu
O vita o vita ti cantu è lodu} bissu | O VITA (Sortie en vinyl en 1982)
Retour aux albums |
