U giuvanottu arditu si
Da purtà l'eternu carru
Fora di l'andati paterni
Ebbe à pate a fiara da ellu zingata.
Malasciu à chì  trafranca l'assestu.
Ogni marinaru da Argò imbarcatu,
Fece a Malamorte
Offesu, u mare fù à orde vindetta.
Tiffeu fù u prima strintu da Falcina
Orfeu cansatu si in infernu,
In tempu d'una volta,
Ci hè turnatu pè u sempre.
Sbrimbate, e so carne funu sparnucciate
Mentre vinia à gallu u so capu
In l'acque di l'Ebru.
Ercule, rosu da u murtale rigalu di a moglia
Si fece dà miccia in capu à Eta
Anceu fù sbattutu da un cignale.
È tù O Meleagru,
Tù chì fusti à toglie vita à babbituzii,
Sarè ammazzatu da Mammata altariata.
Rei tutti, culpiti tutti.
Ma chì fallu po fù à fà smarisce
In l'acque chete d'una surgente
Stu giuvanottu da Ercule persu.
Andate, andate O eroi,
Andate à batte mari,
Ma attenti à e fonte paisane !
….
È quellu chì abbramava tantu u pilone d'oru
È da chì tuttu stalvò,
Peliade, fù sbrimbatu è messu à
Bullisginà ind'una paghjolla.
Sazii site O Dii d'avè vindicatu u mare
Ùn tramannate à quellu chì eseguia.

À manu dritta ci hè guegnu
Di monte Cintu figliolu

Chì si sparghje u so regnu
Da Calinzana à Niolu

Ci corre pè li so monti
A musa di Pampasgiolu

Soca era una smisurata arditezza
À guidà u prima chì fù à strisge
E perfide onde
Annant'à cusì scaghjula barcella

Lasciatu si di Mamma, a batticcia
Di a so vita fece u spassu di i venti strosi
I mari l'hà battuti à casu
Fidendu si à un legnu mastinu
Trà vita è morte, corciu sulcatu.

Di nanzu à ellu
Nisunu cunniscia e sidere
Ùn lighjia omu, in l'affrescu stillatu
È i vascelli ùn ci la facianu à schisgià
E sbarsante Iade o a Capra d'Olinia
Nemmancu u buiaghju
Quandi u so carru trinca ad'ambarscia
Pè dì Boreu, Pè dì Zeffiru
Ùn ci era nancu nome

Arditezza di Tiffeu
À imbuffà e so vele
Annant'à u vastu mare
Da suggerì à i venti
Un cuntegnu novu

E so tele, ora e stindia à pienu
Ora burdighjava in li tretti di u miziornu
À briglia sciolta
………

S’è vò ghjunghjite in Niolu
Ci viderete un cunventu
Di u tempu u tagliolu
Ùn ci n’hà sguassatu pientu
Eranu una sessantina
Chjosi in pettu à u spaventu

Dopu stati straziati
Da u boia o chì macellu
Parechji funu impiccati
Ci n’era unu zitellu
L’anu tuttu sfracillatu
È di rota è di cultellu

Oghje chi hè oghje in Corscia
Fateci casu una cria
Si pate sempre l’angoscia
Intesu dì Marcu Maria
Era quessu lu so nome
Mancu quindeci anni avia

A Paghjella di l’Impiccati

Si vous passez par le Niolu
Vous y verrez un couvent
Les pleurs qui encore l’entourent
N’ont pu être effacés par le temps
Ils étaient près de soixante
Pris au cœur de l’épouvante.

Après avoir été torturés
Par les bourreaux, quel massacre !
Plusieurs furent pendus
Il en était un tout jeune
Son corps fut mis en lambeaux
Par la roue, par le couteau

Aujourd’hui encore à Corscia
Si vous y prêtez attention
Vous y percevrez l’angoisse
A la seule évocation de son nom
Cet enfant s’appelait Marcu Maria
Il n’avait même pas quinze ans.

Pigliu una penna eppo à scrive mi mettu
In puesia à dipigne stu sugettu
D’ùn esse più furtunatu di rime quantu rigrettu
Pè spiicà quella pustura di a figlia ch’era in lettu

Collu e scale è pichju à l’usciu chjosu
S’affaccò tandu un sguardu luminosu
Dicendu « cosa circate, amicu cusì pietosu ? »
« Cercu à vede a malata » subitamente risposu.

Mi disse allora « hè spressu chì vinite,
Cù penna in dolu à lu male currite
Soca voi, a malata, di moltu a cunniscite.
Aspittate ch’o a parli pè dì li qual’è vo site. »

Entrì in la stanza è fece sta riclama :
« Ci si hè un tale chì di vede ti brama
S’è tù lu voli riceve hè prontu pè la to chjama »
Tandu da par mè sintiu « dite li ch’ell’entri o Mamma »

S’apre in un colpu di a stanza a sarratura
Entru è salutu cun tutta a primura
È poi stesu la manu à l’angelica figura
M’apparì guasi lu pientu videndu la so statura

Cusì m’intesu allaccià lu mio core
Videndu soffre quellu limpidu fiore
U m’avaria chjappu eiu piuttostu lu so dulore
Ma quessa ùn pudia fà la di crede mi u Signore.

Di tantu in tantu lintava un tristu lagnu
Chì suminava in mè vilenu pagnu
O dipoi stu ristorbu ùn ne riposu è più n’ùn magnu

Era inundata di larme la so stanza
Quand’è li dissu d’ùn perde la spiranza
Ch’è li purghjiu la manu priparendu la partanza
Ma sempre prichendu à Diu ch’ellu li dessi bona scianza

A mi lacaiu viva pè u mumentu
Poi partiu cù lu core scuntentu
Quelli suspiri lagnosi divintonu per mè spaventu
Durante lu mio caminu aghju vuceratu è pientu

Ùn sò ancu centenariu
Ma m’é toccu à vede cose    
Chi l’idee più diritte
Mi si parenu ritrose.

Ben ch’eo tenga a stammi solu
È ch’eo schisgi le cumbotte,
Aghjiu vistu copre cani
È spugliassi giuvanotte

Aghjiu vistu deputati,
Aghjiu vistu senatori,
Fà vutà li murtulaghji
Senza teme inquisitori.

Aghjiu vistu burlamondi
Tende trappule à i turisti
Nigà pane à li rimiti
È fà pranzi à l’anticristi.

Hè bellu cà ghjuntu à fine
U libru di e scritture
È u mondu s’addurmente
In e pessime friture
Ci ere tù, omu sperava
Dì o Diu dì mi la strada

T’anu allucatu in a tomba
Ch ‘è tu possi arripusà
Ma un pintone ci impedisce
D’esse vicini à vighjà
Pè pienghje lu to suspiru
Pè chere u to perdunà

Ùn credu chì Pediniella
Sia forte quant’è tè
Tù chì cummandi à lu ghjustu
U puvarellu è u rè
Ma to luce più n’ùn vecu
Sò orfagnu è mi n’avvecu.

U Sipolcru

Voici que se termine
Le livre des Ecritures
Et le monde s’engourdit
Dans son malheur
Tu étais notre espérance
Où est mon chemin désormais

Ils t’ont mis dans une tombe
Pour que tu trouves le repos
Nous pleurons ton dernier soupir
Mais la pierre fait obstacle
A notre veille,
A ton pardon

Je doute que la Mort
Soit aussi forte que toi
Toi qui commandes le juste
Et le pauvre et le roi
Mais ta lumière m’échappe
Je suis orphelin et j’en souffre déjà.

Addurbatu và l'omu trà e fulene appese
In li debbii maiò di e so alte chimere
L'omu di e baldanze, di l'infinite attese
Scutumia chì hè à intilà e spere


L'omu di nome toiu l'omu di nome meiu
Viandante chì hè à visticà e prove
Di lu so ghjornu vechju quessu chì ùn fù mai reiu
È chì sciolse i so sguardi in 'sse mascare nove



Entre brûlis majeurs

Cécité des passants entre poussières brumeuses
Entre brûlis majeurs et chimères aux miroirs
Passants de l'arrogance, des hâtes sans espoir
Quand les armes du temps sont âpres et hargneuses


Voici l'homme qui a ton nom et porte aussi le mien
Errances éternelles indéchiffrables traces
Jours qui se sont enfuis et se croyaient l'audace
Alors que tout portait des masques incertains

Sarre senza più fine, di chjampita billezza
Cù e vostre borghe accolte nate attempu à u mondu
Duv'ellu balla u muvrellu, in'eternu vagabondu
Duv'è và lu me sguardu è duv'è mi ci affondu.

Tresca d'alti sciappali è di zenne appinzate
Fatta à sdresge e niule chì vi danu arrembu
Ad'appacià lu core chì passa cù l'abrucata
È si cerca u licore di u so più dolce lembu


Là-bas les monts

Là sont des monts sans fin d'une beauté trop pure
Frangés d'obscures forêts surgies avec le monde
Là-bas dansent des mouflons en leur funèbre ronde
Et s'y ancre le regard, et l'âme s'y emmure

Chaînes de pics altiers, de sommets acérés
Qui déchirent les nuages et où les vents s'appuient
La paix hante le corps comme elle hante la nuit
Les eaux qui les traversent sont des liqueurs acmées

Per tutti l’anni chì sò scorsi
Per le to gioie è le to pene,
Per li fatti è li discorsi
Per lu sangue di le to vene

Ripigliu :
È per la to mimoria cara
Chì luce sempre in core à mè
Vogliu gode ogni stonda permessa
Vogliu godela per tè

Per li to ochji à la funtana
U t’amore immensità,
A cara santa nostra mamma
Per l’oghje è per l’eternità

Ripigliu

Tù sì la mio surella cara
Quella ch’hè nata à tempu à mè
È si di mè stai luntana
Seraghju sempre accantu à tè

Ripigliu

Sub tuum praesidium confugimus, sancta Dei Genitrix: nostras deprecationes ne

despicias in necessitatibus: sed a periculis cunctis libera nos semper, Virgo

gloriosa et benedicta.

D'un amore chì si cerca,    
Ma chì s'imbriaca d'odiu    
Quand'ogni fiume si assecca,    
Sà e ferite tamante    
Cù e carne negre è frante    
L'altru hè visu di bambace
Chì face da mizianu    
Trà u sonniu chì si face    
È u basgiu più grazianu.     
Sà e spere di l'attrachju    
Quandi a pena face spachju.    
L'orma di l'omu s'avanza    
À u sugliare d'un mazzone,    
Da ritruvà ogni stanza,    
Poi leghje à bughjone    
    


Labyrinthiques désirs

Une passion se cherche qui s'enivre de haine.
Des fleuves se tarissent quand hurlent les lointains.
Cortèges d'ombres revêches, chairs ambrées qui périssent.
Mais il y a ce visage, porteur d'un sourire chaste
interposant ses formes entre rêves et mirages,
entre suies et brasiers.
Il sait des crépuscules qui sont d'amples promesses
Il sait des pas complices au détour des manoirs,
des étreintes qui durent  quand le désir acquiesce
et rit des orbes noirs

S’hè distesu ind’è l’aria un affannu di morte
È sò fatti di marmaru i visi sott’à lu sole
Sò d’abissu i silenzii è in pulvina e fole
U mondu incrudelitu sbattutu hà e so porte

Caminerà ab’eternu issu stolu senza fine
Cù la to sipultura sdresgendu ogni bagliore
È chì facia ruvidu u trimendu dulore
Chì rode u campà à iss’ore visparine

È quandu in tempi à vene invichjarà u ricordu
Ogni palmu di sta terra si purterà à l’iglia
Un sonniu fattu veru chì in un intimu accordu
Di tè si n’avarà qualchì fida sumiglia



Dans l’air s’est répandue une mortelle angoisse
Le soleil n’éclaire plus que des visages de marbre
Le silence est abîme, toute beauté poussière
Le monde a sur la vie claqué toutes ses portes

Un cortège infini va vers l’éternité
Avec ta sépulture qui obscurcit le jour
Tout n’est plus que douleur et rudesse mêlées
Et vivre à cet instant est une saison morte

Lorsque le souvenir un jour s’estompera
Chacune des parcelles de cette vieille terre
Reflètera ce rêve qui était ton horizon
Et ton visage vivant sur elle s’imprimera